作词 : 华尔贡

作曲 : 华尔贡

编曲 : 玛吉阿米乐队

ཚིག་དབྱངས།  དཔལ་མགོན།

རོལ་དབྱངས།མ་སྐྱེས་ཨ་མའི་རོལ་ཚོགས།

གཞས་མ། གཡང་དཀར་སྒྲོལ་མ།

མིག་ཁྲ་ཆུང་མཆི་མས་མ་བཀང་གོང་།

རྟགས་ལྟད་མོ་ཡོད་ན་ཕ་མར་སྟོན།

མིག་ཁྲ་ཆུང་མཆི་མས་བཀང་སོང་དུས།

ལྟ་འདོད་ཀྱང་མིག་གི་མི་རིག་གི།

སོ་སུམ་ཅུའི་སོ་གྲལ་མ་འཐོར་གོང་།

ཟས་ཞིམ་པོ་ཡོད་ན་ཕ་མར་བྱིན།

སོ་སུམ་ཅུའི་སོ་གྲལ་འཐོར་སོང་དུས།

ཟ་འདོད་ཀྱང་སོ་ཡི་མི་ཆོད་གི།

ལུས་དར་དྲུག་གཟུགས་གཞི་མ་སྒུར་གོང་།

གོས་ཡག་པ་ཡོད་ན་ཕ་མར་སྐོན།

ལུས་ད་དྲུག་གཟུགས་གཞི་སྒུར་སོང་དུས།

གོན་འདོད་ཀྱང་སྐེ་རགས་མི་དོམ་གི།