作曲 : 完玛三智

རྒྱ་གར་ཤར་གྱི་རྨ་བྱ། །

ཀོང་ཡུལ་མཐིལ་གྱི་ནེ་ཙོ། །

འཁྲུངས་ས་འཁྲུངས་ཡུལ་མི་གཅིག །

འཛོམས་པ་ཆོས་འཁོར་ལྷ་ས། །

མི་ཚོས་ང་ལ་ལབ་པ། །

དགོངས་དག་ཡིན་པ་ཁག་ཐེག །

ཨོ་ལོའི་གོམ་གསུམ་ཕྲ་མོ། །

གནས་མོའི་ནང་ལ་ཐལ་སོང༌། །

ལྕང་མ་བྱེའུ་སེམས་ཤོར། །

བྱེའུ་ལྕང་མར་སེམས་ཤོར། །

སེམས་ཤོར་མཐུན་པ་བྱུང་ན། །

བྱ་ཁྲ་ཧོར་པས་མི་ཐུབ། །

ད་ལྟའི་ཚེ་ཐུང་འདི་ལ། །

དེ་ཁ་ཙམ་ཞིག་ཞུས་ནས། །

རྟིང་མ་བྱིས་པའི་ལོ་ལ། །

མཇལ་འཛོམ་ཨེ་ཡོང་བལྟའོ

དབུ་ཞྭ་དབུ་ལ་བཞེས་སོང༌། །

དབུ་ལྕང་རྒྱབ་ལ་དབྱུགས་སོང༌། །

ག་ལེ་ཕེབས་དང་བྱས་པས། །

ག་ལེ་བཞུགས་ཤིག་གསུངས་བྱུང༌། །

ཐུགས་སེམས་སྐྱོ་ཡོང་བྱས་པས། །

མགྱོགས་པོ་འཕྲད་ཡོང་གསུངས་བྱུང༌། །

བྱ་དེ་ཁྲུང་ཁྲུང་དཀར་པོ།།

གཤོག་རྩལ་ང་ལ་གཡོར་དང༌། །