作词 : 罗布桑珠

作曲 : 罗布桑珠

编曲 : 罗布桑珠

འཛམ་གླིང་འདིའི་ཐོག་རླབས་ཆེན་ལྡན་པའི་མི་ཞིག

ཁོང་ནི་ང་ཚོའི་སེམས་ནང་གི་དཔའ་བོ་རང་ཡིན།

བུ་ངས་དེ་རིང་ཁྱེད་ལ་བྲིས་པའི་གླུ་གཞས་འདི་ནི།་

ང་ཚོའི་བརྩེ་བའི་པཱ་ལགས་ལ་བཀའ་དྲིན་ཆེ་ཞུ།

ཁོང་ལ་ཡ་མཚན་ལྡན་པའི་རྫུ་འཕྲུལ་མེད་ཀྱང་།

མ་ཟད་གནམ་ལ་འཕུར་བའི་མཐུ་རྩལ་ཡང་མེད།

འོན་ཀྱང་ཁྱེད་ཀྱིས་དཀའ་ངལ་གང་ལའང་མ་འཇིགས་པར་མདུན་བསྐྱོད།

ཁྱིམ་ཚང་འདི་ཡི་འཁུར་པོ་ཚང་མ་རང་གི་མཉའ་ཐོག་བསྟེགས།

ཆུང་དུས་ནས་ཁྱེད་ཀྱི་གསུངས་ཡས་ལ།

ནམ་ཞིག་གནམ་དེ་རྡིབས་ཀྱང་བུ་ངའི་ཆེད་དུ་ཁྱེད་ཀྱིས་བཀྱག་ངེས་ཡིན།

དྲིན་ཆེ་བའི་པཱ་ལགས་ཐུགས་རྗེ་ཞུ།

བུ་ང་ཁྱེད་ཀྱི་བརྩེ་བའི་བྱམས་སྐྱོང་འོག་ལ་བདེ་སྐྱིད་འཚར་ལོངས་བྱུང་།

ངའི་པཱ་ལགས།

ཁོང་གིས་མི་ངན་དང་འཐབ་རྩོད་བྱེད་མྱོང་མེད་ཀྱང་།

ཁྱིམ་དང་འབྲེལ་བའི་ཡོ་ཆས་ཚང་མ་བཟོ་ཐུབ།

ཚེ་འདིར་ཁོང་གིས་མཆི་མ་ལྷུང་བ་མཐོང་མྱོང་མེད་ཀྱང་།

ཁོང་གི་སེམས་ལ་སྡུག་བསྔལ་དང་སེམས་ཁྲལ་ཡོད་སྲིད།

ཆུང་དུས་ཁྱེད་ཀྱི་མཉའ་ཐོག་སྟེགས་ནས།

མཛེས་པའི་འཇིག་རྟེན་འདི་རུ་བསྡད་ནས།

མ་འོངས་ང་ཡང་ཁྱེད་དང་འདྲ་བའི་དཔའ་བོ་ཆགས་པའི་སེམས།

ཆུང་དུས་ནས་ཁྱེད་ཀྱི་གསུངས་ཡས་ལ།

ཡུམ་ནི་འཇིག་རྟེན་འདིའི་ཐོག་རླབས་ཆེ་ཤོས་ཀྱི་མི་དེ་ཡིན་པར་ངེས།

དྲིན་ཆེ་བའི་པཱ་ལགས་ཐུགས་རྗེ་ཞུ།

བུ་ངས་བརྗོད་མི་མྱོང་བའི་སེམས་ཀྱི་བསྟོད་གླུ་དཔའ་བོ་ཁྱེད་ལ་ལེན།

པཱ་ལགས།