作词 : 西德尼玛

作曲 : 郎甲·曲美才让

《 འགྲོ 》

ཚིག། ཞི་བདེ་ཉི་མ།

དབྱངས། གླིང་རྒྱལ་འཆི་མེད་ཚེ་རིང་།

གཞས་པ། ཤེར་བྷ།

འགྲོ་ཡ། འགྲོ་ཡ། གར་ལ་འགྲོ

གཉེན་ཉེ་འཛོམས་དུས་གར་ལ་འགྲོ

གཅིག་འགྲོ་གཉིས་འགྲོ་གར་གྱི་མཆོད་པ་ཡིན།།

གཉིས་ལྡེམ་གསུམ་ལྡེམ་གར་གྱི་སྟངས་སྟབས་ཡིན།

ཡར་ལ་འགྲེང་ན་རྒོད་པའི་གཤོག་འགྱུར་ཡིན།

མར་ལ་ལྡེམ་ན་རྨ་བྱའི་སྒྲོ་གུར་ཡིན།

འགྲོ་ཡ། འགྲོ་ཡ། གར་ལ་འགྲོ

འཛོམས་པའི་མི་ལ་དགོས་དགོས་གར་ཞིག་དགོས།།

ན་ཟླ་ཚོ།འགྲོ་ཡ་འགྲོ་ཡ།ང་ཚོ་གར་ལ་འགྲོ

ལེན་ཡ། ལེན་ཡ། གླུ་ཞིག་ལེན།

གཉེན་ཉེ་འཛོམས་དུས་གླུ་ཞིག་ལེན།

ཨ་ཡང་ལ་མོ་གླུ་ཡི་འགྱུར་ཁུགས་ཡིན།

ལྡེམ་ལྡེམ་འཁོར་བ་གླུ་ཡི་ཉམས་འགྱུར་ཡིན།

ཡར་ལ་གྱེར་ན་ཁུ་བྱུག་གསུང་སྐད་ཡིན།

མར་ལ་བཀུགས་ན་འཇོལ་མའི་དྲུག་འགྱུར་ཡིན།

ལེན་ཡ། ལེན་ཡ། གླུ་ཞིག་ལེན།

འཛོམས་པའི་མི་ལ་དགོས་དགོས་གླུ་ཞིག་དགོས།།

ན་ཟླ་ཚོ། ལོངས་ཡ། ལོངས་ཡ། ང་ཚོས་གླུ་ཞིག་ལེན།