作词 : 民间

作曲 : 民间

དགུང་ཨ་སྔོན་དབྱིངས་ཀྱི་གླག་རྒོད་ཚོ།

དགུང་གནམ་འཕང་བསྟོད་ན་དེ་རིང་བསྟོད།

འཇའ་གུར་ཁང་ཕུག་ནོ་ཡག་རེ་ལྟོས།

རླུང་སྤུ་གྲིའི་བར་ནས་སྐྱིད་རེ་ལྟོས།

བྱ་རྒས་ནས་གཤོག་སྒྲོ་ལྷུང་དུས་སུ།

བསྟོད་འདོད་ཀྱང་སེམས་ཀྱི་འཁྲུལ་སྣང་རེད།

སྤང་མེ་ཏོག་དཀྱིལ་གྱི་རྟ་མཆོག་ཚོ།

རྒྱུགས་གོམས་ཁ་ཡོད་ན་དེ་རིང་ངོམས།

སྤང་མེ་ཏོག་རྒྱན་ནོ་ཡག་རེ་ལྟོས།

ལམ་འཕྲེད་ཀྱིས་བཅད་ནོ་སྐྱིད་རེ་ལྟོས།

རྟ་རྒས་ནས་གོམས་ཁ་ཉམས་དུས་སུ།

རྒྱུགས་འདོད་ཀྱང་སེམས་ཀྱི་འཁྲུལ་སྣང་རེད།

བོད་གངས་ཅན་བུ་དང་བུ་མོ་ཚོ།

གླུ་ཡག་པ་ཡོད་ན་དེ་རིང་ལེན།

ཆང་དཀར་དམར་སྒྲིག་ནོ་ཡག་རེ་བལྟས།

གླུ་སེང་སེ་བླངས་ནོ་སྐྱིད་རེ་བལྟོས།

མི་རྒས་ནས་དུང་སོ་འཐོར་དུས་སུ།

ལེན་འདོད་ཀྱང་སེམས་ཀྱི་འཁྲུལ་སྣང་རེད།