作词 : Gungmung

作曲 : Gungmung

قەلەملەر ئەمگەك قېلىپ

قۇرلارغا نۇرلار چېچىلىدۇ

سىياھلار پەرۋىش قېلىپ

ھوسۇلنىڭ مېغىزى چېقىلىدۇ

مايسىلار ئاپتاپقا تەلپۈنىدۇ، شامالدا يەلپۈنىدۇ

مېننەتسىز ئەجىرنى ئېگىسى بىلەن يەر بېلىدۇ

باھاردا كۆچەتلەر تىكىلىدۇ

ئۇزۇن يول بېسىپ كەلگەن سۇلار

يىلتىزلار بىلەن ئۇچرىشىپ

يەر-جاھان كۆكىرىدۇ، بېدىلەر باش كۆتۈرۈپ

تۇرخۇندىن ئىسى چىققان، تۇۋاقتىن ھورى چىققان

قازانلاردا قاينايدۇ ئوخشىغان تاماق

ھەم كۈلكە-چاقچاق

قۇياش نۇرى كۆرگەن گۈل

ھۆسنگە ھۆسىن قوشۇپ، تومۇرغا قانلار توشۇپ جانلار يايرايدۇ

قۇشقاچ سايرايدۇ تاتلىق

يۈرەكلەر يۈرەكلىك سوقىدۇ قاتتىق

ھاۋالار ئۆپكىنى ياشارتىپ

ئانىلار ئۆيلەرنى ئاقارتىپ

ئاتىلار قوللارنى قاپارتىپ

بۇغداي نېنى بولمىسىمۇ بۇغداي سۆزى بار

مۇساپىر يىراقتىن سېغىنىپ ئالبۇمنى ئاختۇرۇپ

قەلەملەر يۇلقۇنىدۇ، قەغەزلەر يول قويىدۇ

بۇ تەرىپلەشلەرگە ھەتتا ھەرپلەرمۇ قول قويىدۇ

ئانا يۇرت ئۇسسۇزلۇق چىدىيالمايمەن

ئۇنىڭ تەمىنى ھىچ يەردىن تېتىيالمايمەن

ئۆز سۈيىدە ئۆزگەن بېلىق كۈلىدۇ ۋىلىق-ۋىلىق

مىھىر-مۇھەببەت ھەممە ئىنساننىڭ قەلبىدە بار لىپمۇلىق

قىلچە شەك كەتمەيدۇ، ئۇ يوقاپمۇ كەتمەيدۇ

چاچالايسەن، قوبۇل قىلىپ ئالالايسەن

ھەرۋاقىت ئىسىڭدە تۇت!

ھىچكىمنىڭ سېنىڭكىگە يەتمەيدۇ !