作词 : 吕明光

作曲 : 陈蝶衣

荷里活

唱：尹光

曲：陳蝶衣

詞：呂明光

編：麥皓輪

監：陳勇祥

喂喂 荷里活有間大酒店

有三個肥婆呀 學踢波 學踢波

你又踢佢又踢 卒之就踢咗落河

啊 你想執返個波 我幫你執個波吖

我標落去水 雙手攬住個波

Fung上去水面 等佢捉住個波

佢個心想話接住 點知佢差錯腳落河

我忙救佢命 驚佢又責死我

搵多兩個肥婆 合力去拖 好彩又救醒咗

你哋玩波玩波 應該要小心啵

(喂 肥婆霞你無嘢吖嘛)

(無嘢 哎呀個衰佬係撞鬼呀 喺度呀搏懵呀)

(哎呀點解咁㗎)

(咁抵死呀)

(係喇 摸手摸腳咁樣呀真係)

(離晒大譜呀 我思疑佢乘機揩油)

(係呀 係呀 係呀)

(我都話佢想非禮你就真呀)

(係嘞真係呀 咁嘅人都有嘅真係吖)

(咁衰㗎)

(唉 你咪救人呀 我都知道就唔救佢喇

所以我哋廣東人嘅俗語講得好呀 好心撞雷劈

一啲都無錯㗎 嗯 就好似嗰個肥婆咁

踢波 喺河邊踢 跌落河 係我救佢上嚟啫

都唔在話啦 救人一命呀勝過七級浮屠

救佢上嚟 仲話我非禮佢

你知喇 游水救人掹下撞下 梗係有㗎喇嘛)

佢吱吱呀咗 佢真囉嗦 居然窒阿哥 都只為執個波

好彩我讀過詩書 不易發火 否則我又再兜腳踢佢落河

唏 荷里活呢間大酒店

有個肥婆為咗學踢波 爭啲命無咗

你哋玩波玩波 應該要小心啵