作曲 : 古曲

宮主刁蠻駙馬驕 (Live)

唱︰尹光 / 李淑勤

曲︰古曲

編︰李章明

監︰張國林

(公主今日乃係我地倆個人結婚嘅好日子 所謂大登科金榜題名

小登科洞房花燭 如此說公主好應該請為夫入房啦

(哈駙馬)

(點呀)

(你今日嘅駙馬爺係點樣得番黎㗎)

(係人都知啦 駙馬就緊係皇帝封㗎啦)

(若果唔係本公主奏知父王呀 你想做駙馬都怕幾難啦)

(哦)

(如此說來 應該你請本公主入房至岩呀)

(你有冇攪錯呀 男人大丈夫七尺昂藏 我就算冇七呎都有六呎呀

冇六尺都有五尺八呀 叫我請妳入房 你地話請唔請啦

唔請幾大都唔請一百個唔請一千個唔請 好嬲呀)

(原則上你即係唔肯請本公主入房啦)

(我話咗唔請架啦)

激氣激氣令奴難下氣 點憤氣相請你 點憤氣相請你

妳不請我就唔呀唔入去 對唔住夜d啦

夜d夜d風猛就冷到你死

哦我死丫我死我死就需要妳執手尾

等妳等妳就成世獨守香閨裡

個陣要搵人共妳陷被啦 哈

哼 我未必要你

我未必要你 大可以離異 我未必一定要有妻子

你負愛負約不怕死 怕你未敢逆我君聖旨

喂前程盡棄 好應快快離異

你咪當閒事 你太不是你太不是 你太不重禮儀

喂妳妳妳妳未識情義 實在無味 實在無味

你應該要常記起 應該要常記起

我有話過架(乜嘢呀) 我要你受氣

我為咗愛妳 就立亂騙妳 等妳嫁入我屋企

一於我論正家規將妳訓示 怕未

舊約推翻你都要顧住 (好嬲呀)

妳即管憤怒 我一於係少理啦

乜得咁易 你應該共我面君再辯詞 (好呀)

我同妳去面帝皇判交一死

你真係夠膽同我見父皇

點解唔夠膽呀

我係皇帝女呀 皇帝都要就我幾分呀

我夠係駙馬咯 你當我腐竹呀

哈你你你蝦我

蝦你又點呀

若果你若果唔肯請我入去 我就自己入

你響外邊諗清諗楚啦你

(喂喂公主咁就入架啦

哇呢度乜鬼嘢門黎架 呯一聲咁就閂址咗

閂咗門架啦 佢就精呀一句唔該走入去高床暖枕

淨番我係度捱凍 唔係啦唱兩句歌仔引佢開門都好呀)

人一個都確係無收科 人地話新婚甜蜜好似秤不離陀

喂我就晚晚孤寒真係惡過

點解你好揀就唔揀 揀著呢個新郎哥阿哥

(冇乜反應架喂 你有你唱啦 佢高床暖枕呀

唔係啦 俗語都有話啦嘛 兩公婆打交床頭打交床尾和

我唔洗床尾我床中間就和啦 唏 一於拍門就有房訓啦喂

拍門啦 公主開門呀)

(邊個呀)

(駙馬爺到呀)

(啊 除非你叩頭認錯啦)

(唔係呀麻)

(唔係你就快d躝屍呀)

(哎呀 要叩頭認錯先有得入房呀 你唔死我死囉唉)

真係奇奇奇 嬌妻叫我話去躝屍的確係奇

嬌妻叫我話去躝屍的確係奇

你係都唔認錯就凍到你死啦

咁樣搞法確係奇 (公主)

良辰容易過就良辰容易過番

妳乜咁笨唔願理妳真激氣

夫妻鬥氣講和唔容易

共訂白頭時常鬧下 咪當耍花槍根本無問題

若果時時就你 (最好呀)

蝦我激我一世咁就難下氣 我都不想理啦

公主我地 我地夫妻要和氣親蜜 你莫過存心谷氣得㗎

你個冤家真正係太奀皮 (開門呀)

其實倆公婆激乜鬼氣喎

我共你講得咁多費事成成日費心機 (咁就開咗啦)

黎啦 唏呀黎啦 前世

呢嗱我地我地倆夫妻

相親相愛到白眉

(多謝好多謝李淑勤小姐)

(多謝光哥)

(跟住落黎介紹一位特別嘉賓劉錫賢先生 俾d掌聲歡迎

你老世都黎睇你呀 犀利呀你 喂你學過嘢)

(唔係唔係 跟你學嘢姐跟你學嘢)

(食過夜粥)

(琴晚有食 呀係啦光哥 咁我地黎到呢到玩啲乜嘢好呢)

(玩乜嘢 我有好多嘢玩呀)

(係喎)

(吹口琴)