作词 : 廖文强

作曲 : 廖文强

你用双手的针线　紩出我大部份的青春

老针车的声　是伴我眠梦的歌

针空一工一工愈来愈细

线头开出一蕊一蕊的花

你拢讲无要紧　但是目睭袂讲白贼话

徛甲愈近愈看袂清楚

菜单顶悬的字这马拢看无

你讲不如就看予远远

眼前的事　就毋免阁烦恼

远到越头拢看袂清　恁犹原阁放袂记

我已经是会当照顾好家己的大人

敢讲犹是无够近　犹袂当予恁放心

伫恁需要我的时　我会踮伫恁的身边

你双手擀的 ha̋n-tóo-luh　载我逐工出门读书

振动的计程车　是我困甲上四序的眠床仔

颜色一工一工愈来愈浊

体力一冬一冬愈来愈无

你拢讲免烦恼　但是生活已不再轻可

徛甲愈远愈看袂清楚

kha̋ng-páng 顶悬的字这马拢看无

你讲不如就看予近近

未来的事　就毋免阁烦恼

远到越头拢看袂清 恁犹原阁放袂记

我已经是会当照顾好家己的大人

敢讲犹是无够近　犹袂当予恁放心

伫恁需要我的时 我会踮伫恁的身边

远到回头拢看无影　咱双手愈毋甘放

咱一直是远近袂当磨灭的思念

我双手的十支手指头　予我弹音乐唱歌予恁听

记持中的恁　犹原是青春的少年仔

年岁一工一工愈来愈长

目镜一副一副愈来愈重

镜片中的恁　皱痕已经深甲无地藏

镜片外的恁　请阁加陪我行一站