作词 : 暴斯

作曲 : 暴斯

beat: Kid HNRK – Bones 侵删

verse1

最无情嘅係时间，每时每刻都係度示范

从积蓄变成遗产，新生儿到病患

合照只剩下美, 物是人非只缺乏你

留下嘅记忆, 只剩日记，好想帮你, 改写日期

病床前陪护，笑容要回顾, 一眨眼功夫，双眼变得模糊

改变你皮肤，任你再维护, 叶会落，树会倒，鲜花会枯

亲朋定爱人, 偶像同女神, 凶手或伟人, 无法逃脱嘅命运

用生死嚟制衡, 时间係最高法则贯彻绝对嘅平等

最畅通 无阻嘅流动係生命中无法跨越嘅障碍

不留痕迹嘅过程不可逆嘅伤害却正在被清晰记载

平地变成咗海, 建筑拆完起完再改

眨眼瞬间十年八载, 又有几多未来你敢期待?

当年纪越嚟越大时间会越过越快身体越过越坏恐惧感越放越大

逼到悬崖就快还债, 无解难怪难捱

时间将一切带走，唔会交待因由, 从牵手到分手，过程称之为温柔

区分事物嘅新旧，不单止有恩仇, 从平地到高楼，从起点到尽头

chorus

Time is limited

time is endless

time is ruthless

verse2

宠物陪伴十年依然只算匆匆再见, 情人陪你失眠更多只係过眼云烟

係你旁边, 互相碰见, 好多转变可能未嚟得彻发现

逐渐改变唔只係头发长短, 更多衰老表现, 重视身体保健

力不从心嘅感觉出现尤其讨厌, 更多容忍更低嘅底线

再都冇太冲动嘅打算, 生活节奏唔想被打乱

表面肤质改变流失嘅骨胶原, 唔存在失恋, 只怕亲人失联

光阴太过匆匆, 经过人事物林林总总

勾起回忆种种, 心事重重都知道来去两手空空

成熟嘅代价过份离谱, 小时候听得太多利好

最想时光退回到, 唔识睇价钱更热衷于比武

叫讲叔叔阿姨你好, 向太阳公公话早

起码果阵未谂到, 原来终将会入土

只打算规划明年, 已经老化明显, 受损部分冇得再更换零件

固定身份唔会换新嘅名片, 依然往返行程係固定地点

仲有边个留係旁边, 仲想见到下一个晴天

生于世上算係参加过盛宴, 结束嘅时候都叫节哀顺便

chorus

Time is limited

time is endless

time is ruthless