作曲 : 古曲

鳳閣恩仇未了情 (下卷)

唱：尹光 / 胡美儀

曲：古曲

監：羅燊榮

一語表衷懷 衷情殊感嘆

眼底檀郎你腰瘦減

為誰惆悵望江南 欲愛還憐情無限

君莫依依惜別淚斑斕

你記否圓月夜 我共你一夕情

我當奏知兄王 與你共諧奠雁

君雄呀

吓

我話畀阿兄王聽

相信佢都會答應我哋嘅

唉 群主 你話奏知兄王

我哋兩個就可以共諧奠雁

係咯

咁你就分明太癡想啦你

我忍淚半含悲 我強顏為歡笑

笑我顧影自慚 我與你貴賤本懸殊

郡主你是玉葉金枝

幾許王侯對你來青盼

我與你一線隔天涯 我是個金邦蠻將

唯怨一句誤闖入情關

郡主縱是情愛本真心

無奈時勢逼人 唯訴離情盡於今晚

呢一隻丹鳳南歸 我依舊羈北塞

唯嘆福薄 福薄緣慳

唉 山雞焉可配鳳凰

我與你一夕餘情 唯寄夢幻

君雄

吓

蒼果我南返宋朝之後 而致你我姻緣無望嘅

咁 咁我情願今生今世 都永不重回故國咯

咁又點得呢

我不願長著漢裝衫 羈鎖宮幃奴未慣咯

久居北塞 我早已任縱橫

情到狂時 試問誰能阻諫

更不恥虛榮禮教 揭起那愛海波瀾

咁又有乜嘢辦法呢

君雄

願作海燕雙棲 以表我真情非泛

咁我唔返去咯 唔去咯

呀 郡主 雖然你對我是一片情真

我嘅心都好安慰 不過你要考慮呢一層噃

考慮乜嘢呀

你唔返去 你兄王乃本是南朝嘅重臣

萬一為著我哋兩人嘅事而興師問罪

問罪

那時豈非作孽 唔得嘅

郡主呀 你縱是有心長聚首

又怕干戈撩亂為紅顏