作词 : 账号已注销

作曲 : 账号已注销

سەككىزگە يەتمىگەن يېشى ،

قىلار جەۋلان قىزلىق لاتاپەت .

گۈزەللىكتە يوقتۇر تەڭدىشى ،

يولۇقمىغان بۇنداق قىياپەت .

يېڭىلگەنگە شۇدەم بەردىم تەن ،

تېپىلىدۇ پەردازسىز قىز ئاز .

رەڭدار ئېسىل كېيىمى بىلەن -

تۈزەپ ھۆسىن ئەيلەپتىكەن ناز .

خان ئەتلەستىن كېيىپتۇ ئېگىن ،

ئۇچىسىغا ياراشقان شۇنداق .

ساپما كەشى پۇتىدا ،تەھسىن

نازاكىتى چانمىغان بىراق .

چىمەن دوپپا كېيگەن بېشىغا ،

ئۆتتى سۆيۈپ چېھرىنى شامال .

كۈندەشلىگىم تەپتى تېشىغا ،

ئاشىقلارغا بۇ ئورتاق مىسال .

ئەدەپ بىلەن ئۆتۈپ يېنىمدىن ،

دەريا تامان كەتتى قول سېلىپ .

ئەس -ھۇشۇمنى يوقاتتىم بىردىن ،

يۈرىكىمنى كەتكەندەك ئېلىپ .

"گۈل سەرخىلى كۆپقۇ ! "-دەپتىمەن ،

مەدھىيلىسە چوغلۇقنى شائىر .

باغرىمغا ئوت ياقتى ئۇ لېۋەن .

كۆرەلمىدىم كۈتسەممۇ ئۇزاق ،

پۇچىلاندىم ئىشقىدا كۆيۈپ .

ئەھدى قىلدىم تارتىشقا پىراق ،

ئۆمۈر بويى شۇنىلا سۆي