作词 : 梁越玲

作曲 : 李哲藝

汉仔 咱莫阁再吵好否？

敢讲你毋知你对我来讲早就是上重要的倚靠？

虽然咱袂当选择 不过咱会当面对啊！

……我从来就毋捌后悔嫁予你……

我嘛无想欲伤你的心啊！

我嘛无想欲怨你啊！

现在 我只存你 佮咱的囡仔！

现在 我嘛只存你 佮咱的囡仔！

我只有一身的落薄 其他啥物拢无

你是阮母囝的倚靠 阮永远是你的宝

经过生命的千风万浪 我的心已如破碎的梧桐

你却是我生命当中 无限的芬芳

困苦的日子

咱家己揣感动

绝望的生活

咱家己存寄望

等待春光……

有一工 我若老甲发喙鬚

咱就来种一欉树 叫做无忧

起一个巢 叫做温柔

牵著咱囝的手 种一欉树 等待秋收

有一工 我若老甲发喙鬚

咱就来种一欉树 叫做无忧

起一个巢 叫做温柔

牵著咱囝的手 种一欉树 等待秋收