作词 : 阮眉

作曲 : 古曲

話俾家鄉知

唱：尹光

曲：古曲

詞：阮眉

編：麥皓輪

有件事話俾家鄉知　你細心研究我呢封書

個個都話天堂好食又好住　其實天堂係點你哋知唔知

所謂有人富貴亦有人窮　搵嗰兩餐唔係咁輕易

你哋偷入天堂要經地獄門　勸你諗清諗楚唔好貪得意

咪話有旨意我會照顧你　想我孔乙己受人二分四

最怕招呼唔好話我無義氣　怕你學精練懶講疏乎

受人地引誘做左匪類　其實到處嘅楊梅都一樣花

總要有志氣　就處處都可以出人頭地　出人頭地

話俾家鄉親戚大眾知啦　香港擠迫真係住到無位企架啦

各行競爭偷懶被人棄　我接到啲家書　各樣都話寄

從前寄包裹　我仍然仲應付得嚟

我家姐要電視機喎　仲話名牌至合宜

我拎餐懵嘅仲要打稅

阿舅母成日話要收音機

手錶風扇又帶海味電算機　佢個心嚮往羨慕人哋

我辛苦工作金睛火眼搏命涯　佢哋仲估我生活寫意

在繁華地　容易發達　佢話我好運氣喎

香港錢財遍地　唉　我日中死慳苦了自己

一但粗使就會無錢寄

我講到口水都乾晒　我啲親戚冚扮冷都唔信我講嘅嘢

真係陰公呀　唉

試問有誰願聽我講道理　接到啲家書　梗係各樣都話寄

哼　我嘅糧期又透支咗　仍然未應付得嚟

阿家姐 哇　要個錄影機啦喎

仲話名牌至合宜　呢餐懵嘅仲要打稅

阿舅母成日話要收音機

手錶風扇又帶海味電算機　個心嚮往羨慕人哋

香港指數天天飛漲搵食難　莫估我生活寫意

求財唔容易　哼　我捱到頭白

未靠天上賜　只靠勤勞兩字

話俾家鄉親戚大眾知　休戚相關我自有主意