作词 : Erkin Nurjanov

作曲 : Erkin Nurjanov

1) سەنسىز ءومىردى مۇلدە ويلاي دا المايمىن،

جۇرەگىمنىڭ ءانى سەن ەدىڭ.

سەنسىز جانىم جابىرقاپ قالعان جاندايمىن،

تىنىم بەرمەي قويدى نەگە مۇڭ؟

جاپىراقتار ءتۇسىپ جاتىر جاۋىپ جەر بەتىن،

ۇمىتىمدەي كەيدە ۇزىلگەن.

كوز الدىمدا كەتپەي قويدى سەنىڭ كەلبەتىڭ،

باقىتىمدى كوردىم جۇزىڭنەن.

قايىرماسى:

سەنسىڭ كۇنىم، سەنسىڭ تاڭ نۇرىم،

سەنسىڭ باعىم، سەنسىڭ بار مۇڭىم.

اي دا، كۇن دە ءوتتى كوڭىلسىز،

سەنى اڭساپ اساۋ تاعدىرىم.

2) ايلار اسىپ، جىلدار ءوتتى قاعىپ قاناتىن،

الىستادى نەگە ارامىز؟

تىلسىم كۇش جوق مەنى ساعان الىپ باراتىن،

ەندى بىزدەر ارمان عانامىز.

اققۋ قازدار كول بەتىندە قالقىپ بارادى،

ساعىنىشتىڭ سالىپ ورنەگىن.

جۇمباق سەزىم مەن وزىڭە تارتىپ بارادى،

لەبىزىڭە جانىم، شولدەدىم.

قايىرماسى:

سەنسىڭ كۇنىم، سەنسىڭ تاڭ نۇرىم،

سەنسىڭ باعىم، سەنسىڭ بار مۇڭىم.

اي دا، كۇن دە ءوتتى كوڭىلسىز،

سەنى اڭساپ اساۋ تاعدىرىم.